Bakit kung kukunin din ay kailangan pang pahirapan?
Bakit kung titigukin rin ay kailangan pa niya iyon lahat pag daanan?
Hindi ba maaring patayin nalamang?
Walang hirap, walang inda.
Ngunit pilit paring susulat–
Concern ay patungkol sa Harmony,
Sunod na yapak sa nauna niyang Chemo Therapy.
Hirap huminga, Nakatubo na siya,
Hindi makapagsalita, maka alma.
Nanginginusap na “tama na, ayoko na, tanggalin na”.
Gustuhin mang pagbigyan, ngunit tayo’y naandidito na.
Bakit ibibigay kung hindi kakayanin?
Ipinaranas sapagkat tiwalang kaya itong gawin?
Kaya itong tanggapin?
Bakit ang sakit? Bakit sa amin?
Ilan sa mga kwestyong hindi mo makain
Malunok, o piliting nguyain.
Pamamaalam ay likas na nga ba sa atin?
Datapwat bakit kinakailangang ganiyan pa?
Pahirapan ang nilalang hanggang sa ito’y maghikahos?
Parusa nga bang masasabi sa mga kasalanang hindi pang musmus?
Para saan ba’t ito’y masasaksihan?
Kamatayang hindi mo kontrol buwat sa iyong kamalayan.
Anu-ano pa man ay hindi na alam
Tutungo sa kung saan at sa kung papaanong pamamaraan.
Ang matubuan ng puso buwat sa karimlan
Ay isang pulo’t yaman sa gitna ng mga katanungang walang kasagutan.
ICUNars
Sig.
Hanapin ang mga naiiba.
Guhit ay pabugso-bugso na, hikahos sa pag hinga
Hanggang sa unti-unting paghanay, magpapahinga na.
Dopa at Dobu ang naroroon.
Palamang inotropics pampabangon,
Sa bagsak na altapresyong hindi maibangon.
Unang ifa-flush sa ugat mo.
Papatak-patak kada segundo–
Pag hindi tumalab, si Epi ang sasalubong sa pang-apat na kanto.
Pajahma Cruces 